EXPOSICIÓN DE MATERIAL DE LABORATORIO

No mes de novembro, coincidindo co Mes da Ciencia en Galego, o alumnado do Club de Ciencias participou en varias actividades. Unha delas foi a exposición de material de laboratorio que o alumnado de 1º e 2º de ESO preparou na biblioteca. 

Primeiro, elixiron o material nos laboratorios e para cada obxecto elaboraron unha ficha na que se mostraba o seu nome en distintos idiomas, galego, castelán, inglés e francés, ademais de información sobre o seu uso, as persoas que os inventaron e, mostrando as súas dotes artísticas, un debuxo. Nas imaxes pódese ver unha mostra do seu traballo. Parabéns por este gran traballo!!