CARLA MARI LUZ LOUREIRO GARCÍA
Co gallo da conmemoración do Día da Muller e a Nena na Ciencia, o venres 23 de Febreiro contamos, no noso centro, coa presenza de Mari Luz Loureiro García, catedrática de Economía da USC.
O alumnado do Club de Ciencias de 4º de ESO e 1º de bacharelato asistiron a súa charla, na que nos soubo transmitir excelentemente a importancia do traballo e da actitude persoal, da constancia, da fortaleza... mais, sobre todo, como a humildade e a empatía son as características fundamentais para alcanzar a felicidade.
Mari Luz, nada na Pontenova, soubo manter a nosa atención durante case dúas horas polo acerto e delicadeza das súas palabras.
GRAZAS por vir, saber transmitir tan ben e por ensinarnos tanto. Foi un auténtico pracer.
Comentarios
Publicar un comentario